జవ్వని కేలనొ కినుక కలిగినది!
నా మదిలోన కలవరమాయెను;
దోబూచాడే ఓ శశాంకుడా!
మిలమిలలాడే జాబిల్లీ!-
చెలియ కులుకుల- రోష్నీలోన
చక్కగ దూరగ వస్తున్నావా?
దూరినంతనే చేరువవుదువా?
చిన్ని పాపగా మారాం చేస్తూ;
దూరాలన్నిటి - చెరిపేసేసి
చేరువ ఐతివి తనకు లిప్తలో!
నీ టక్కరితనము ఔరౌరా!
బల్ చమత్కారమే!....
అలిగిన సఖియా!
నీదు అలకలు,
అలకల కులుకులు
క్షీణించిన ఆ ఇందుబింబముకు
వెలవెలబోయే పదారు (చంద్ర) కళలకు
వేయి శోభల వరములిచ్చినవి ||
@@@@@@@@@@@@@@@@
[సుందరి కినుకలు- కానుకలు
జాబిలి కొసగిన అమూల్య కాన్కలు కాంకలు
అలుకల శోభల అమూల్య కాన్కలు ;
;
కామెంట్లు లేవు:
కామెంట్ను పోస్ట్ చేయండి