ప్రశ్నాళి!
 భగవంతుని ప్రసాదమా! చరా చర జగత్తునకు ప్రాణ దానమా! నీ స్వరూప మెట్టిది? మ్రోడులలో దాగినావా? ఓ మధుర స్వప్న లహరికా! నేడెటు నుండిటు వచ్చినావు నవ్వు పువ్వు రువ్వులతో మా ఇంటిలోన కేరింతల పాపాయిగా! కరుడు కట్టియున్న మంచు కొండల లోయల నుండా? నిరుడు గిరి శృంగ |
నిరుడు గిరి శృంగములపై కెక్కి
అలిగి కూర్చున్నట్టి
జలధరాల గిట్టల జాడల నుండా?
రేయి కన్నుజాబిల్లి చూపుల
వెన్నెల సోనల నుండా?
వగలొలికే పగటి సిగల
దినమణి కిరణాళి నుండా?
సూటిగా ప్రసరించే
ఉదయ ప్రభాద్యుతి నుండా?
సృష్టి రచన చేయుచూ
ఆ భగవంతుడు
విదిలించిన కుంచె నుండి
వెలసిన హరివిల్లునుండా?
ఎచటి నుండి నీ రాక?
మాలో ఎల్లరిలో
జీవ ధాతువై నిలిచిన
అనుకోని అతిథీ!
ఓ జననమా!
కామెంట్‌లు లేవు:
కామెంట్‌ను పోస్ట్ చేయండి